EKSKLUZIVE: EDHE TREPÇA MERR FTESË PËR TË GARUAR NË ”ENBL”

Prishtinë(AsistiOnline) – Pas Sigal Prishtinës edhe një skuadër tjetër kosovare ka marrë ftesë për garim në kompeticionin evropian ”ENBL”.

Siç ka mësuar AsistiOnline.com është edhe skuadra e Trepçës ajo që ka marrë ftesë nga drejtuesit e ligës së lartëcekur për të qenë pjesë e stinorit të ri të tyre.

Në lidhje me këtë ftesë, e kemi parë të rrugës që të adresojmë pyetje edhe tek zyrtarët e klubit mitrovicas të cilët dhanë një përgjigjje nëpërmjet adresës elektronike.

”Po është e vërtetë se kemi marrë ftesë nga liga e quajtur ”ENBL”, garë mjaftë serioze. Dhe për momentin së bashku me menagjmentin e klubit, jemi duke e shqyrtuar pjesëmarrjen eventuale ose jo në këtë garë. Jemi duke punuar maksimalisht për një sezon sa më të mirë dhe sapo të marrim vendim që do të garojmë ose jo në kompeticionin në fjalë do të njoftoheni me kohë”.

Të kujtojmë se Trepça ditë më parë konfirmoi organizimin e njërit prej turneve kualifikues të FIBA Europe Cup në Mitrovicë nga 27 deri më 30 shtator.

E FUNDIT: TREPÇA ORGANIZATORE E TURNEUT KUALIFIKUES NË FIBA EUROPE CUP (DOKUMENT)

‘Xehtarët’ sivjet shihen prej ekipeve favorite kryesore në luftë për fitimin e trofeve.

/AsistiOnline.com/