Ekskluzive: Prishtina dhe Joseph ndajnë rrugët?

Prishtinë(AsistiOnline) – Sigal Prishtina duket se do të mbetet pa njërin nga lojtarët e huaj, Devoe Joseph.

Siç ka mësuar AsistiOnline.com në ndeshjen gjysmëfinale pas Superkupës dhe ditëve në vazhdim ka pasur disa mospajtime mes palëve dhe sipas të gjitha gjasave janë ndarë rrugët.

Joseph erdhi te Prishtina me shumë bujë, pasi stinorin e kaluar u shpall kampion me Pejën.

Amerikani që njëherazit është edhe vëlla i NBA lojtarit, Corey Joseph, me Prishtinën është paraqitur në dy ndeshje.

Lidhur me largimin e Joseph nga bardhekaltërit, AsistiOnline.com ka kontaktuar edhe me drejtuesit e Prishtinës, por që deri tani nuk ka marrë përgjigjje dhe në momentin që ndodh një gjë e tillë, lajmi do të përditësohet.

/AsistiOnline.com/