Britania e Madhe arriti fitoren e saj të parë në FIBA EuroBasket që nga viti 2013, duke mposhtur Malin e Zi me rezultat 89-83 në Tampere.
Një mënyrë e shkëlqyer për britanikët që të mbyllin fazën e grupeve me një fitore të merituar, duke shmangur për herë të tretë radhazi një bilanc zhgënjyes prej 0-5 në EuroBasket.
Megjithatë, fitorja nuk mjaftoi për të kaluar në Raundin e 16-të, pasi për kualifikim duhej një diferencë prej të paktën 33 pikësh – shifër që nuk u arrit. Nga ky rezultat përfitoi Suedia, e cila siguroi kalimin më tej.
Myles Hesson ishte lideri i padiskutueshëm i Britanisë së Madhe, duke realizuar 25 pikë, prej të cilave 16 vetëm në pjesën e parë. Akwasi Yeboah shtoi 23 pikë të tjera për britanikët.
Për malazezët nuk mjaftoi paraqitja e kompletuar e Nikola Vucevic i cili regjistroi 31 pikë, 11 kërcime dhe 7 asistime.
