Në një përballje interesante të Superligës së Kosovës në basketboll, Prishtina arriti të marrë fitoren ndaj Vëllaznimit me rezultat 74-68.
Ndeshja nisi me një dominim të Prishtinës që fitoi çerekun e parë 25-12, por Vëllaznimi reagoi duke marrë çerekun e dytë 22-17 dhe përfundoi pjesën e parë me rezultat të ngushtë, 38-37 për Prishtinën. Në çerekun e tretë, Prishtina shkoi përpara me 15-13, ndërsa çereku i fundit i takoi sërish Vëllaznimit 21-17, por kjo nuk mjaftoi për të ndalur fituesit.
Te Prishtina, Adrio Bailey u dallua me 21 pikë dhe 12 kërcime, ndërsa Tilemachos Vissariou shtoi 12 pikë dhe Deondre Burns kontribuoi me 10 pikë. Nga ana tjetër, më efikasi te Vëllaznimi ishte Jericole Hellems me 29 pikë.
Pas kësaj fitoreje, Prishtina ka bilancin 7 fitore dhe 6 humbje dhe në xhiron e ardhshme do të përballet me Trepçën. Ndërkohë, Vëllaznimi mbetet me 4 fitore dhe 9 humbje dhe do të presë në shtëpi skuadrën e Go+ Pejës në ndeshjen e ardhshme.
