PEJA I REAGON ASHPËR LEKNDREAJT, KËRKON DËMSHPËRBLIM PËR TA LIRUAR

nga Asisti Online në 24/07/2022

Prishtinë(AsistiOnline) – Me të dalë njoftimi i Daniel Lekndreajt se po largohet nga Peja, ka reaguar shpejtë edhe skuadra e fundit e basketbollistit shkodran, KB Peja.

Ekipi verdhezi nga Kosova ka reaguar ashpër ndaj deklarimeve të lojtarit, duke pohuar se ka qenë korrekt në raport me të.

Në njoftim të Pejës poashtu thuhet se me Danielin ka kontratë valide dhe secili klub që dëshiron ta ketë në radhët e veta, duhet të paguaj dëmshpërblim për të.

Njoftimi i klubit të Pejës i plotë dhe pa ndërhyrje:

Reagim

KB Peja reagon ndaj deklarates se lojtarit të saj Danijel Lekndreaj. Klubi njofton se momentin kur me punën tonë të madhe kemi arritur të sigurojmë pasaporten e Kosoves, ne kontratë ka qenë e paraparë vazhdimi me të ardhura të reja dhe me mundësi që klubi ta vazhdoj të njejten kontratë edhe për një sezonë tjetër.

Dhe këtë kontratë e ka përmbushur dhe gjithashtu ka shfrytëzuar të drejten e saj të vazhdoj kontratën edhe për një sezonë. Por, siç duket lojtari në fjale ka kontaktuar klube të tjera duke nënshkruar kontratë me njërin nga ta, për çka është shkelje e kontratës.

Danijeli gjatë kohës si lojtar i joni, edhe kur është paraqitur si lojtar i huaj (edhe pse ka pas minutazh shumë te limituar) edhe pasi eshte pajisur me pasaport, tek ne është trajtuar me shumë dashuri dhe respekt, si nga Klubi, tifozët e edhe sponzorët. Mbetet i pakuptimtë mllefi i tij i shfaqur ne deklaratë! Por, Danijeli mbetet lojtar i KB Peja dhe kushdo që është i interesuar për shërbimet e tij, duhet të paguaj klauzolen dhe të transferoj lojtarin.

Për këtë e kemi njoftuar lojtarin dhe agjentin e tij.

Me respekt,

KB PEJA

/AsistiOnline.com/