NISIN PËRGATITJET E FBK-SË, PËR KAMPIONATIN EUROPIAN TË FEMAVE QË MBAHET NË KOSOVË

Prishtinë (AsistiOnline) – Federata e Basketbollit të Kosovës i ka nisur përgatitjet dhe është në vlugun e punës për organizimin e Kampionatit Europian(U-20), Divizioni B, Femrat.

Mu për këtë arsye Federata e Basketbollit të Kosovës ka vendosur të investoj në palestrën “1 Tetori” në Prishtinë, në të cilën është duke i rregulluar zhveshtoret, pasi në palestër aktualisht janë vetëm 2 zhveshtore, derisa me kritere të FIBA-s kërkohen 4 zhveshtore për ekipet, si dhe 2 shtesë për personat zyrtar të FIBA-s.

Krahas këtij investimi, FBK për këtë palestër i ka porositur koshat e ri, që kërkohen me kritere të FIBA-s, derisa do të investoj edhe në semaforin aktual.

Krahas Kosovës në FIBA U20 Kampionatin Evropian, Divizioni B-Femrat do të marrin pjesë edhe 12 shtete të tjera: Izraeli, Danimarka, Finlanda, Britania e Madhe, Kroacia, Turqia, Greqia, Ukraina, Bullgaria, Rumania, Irlanda dhe Islanda.

Ky kampionat në Kosovë mbahet nga 3 deri më 11 gusht 2019.