BASHKIMI E NISË ME FITORE TË THELLË STINORIN, SUPERKUPA E FEMRAVE SHKON NË PRIZREN

Prishtinë(AsistiOnline) – Skuadra e Bashkimit të Prizrenit është fituese e Superkupës së Kosovës për edicionin e ri në elitën e basketbollit kosovar femëror.

Vashat prizrenase me shumë lehtësi se që është pritur kanë mposhtur Prishtinën në këtë ndeshje finale që vetëm në pjesën e parë e arsyetoi emrin e finales.

Në fakt Bashkimi që nga fillimi e deri në fund, për çdo çerek e kontrolloi ndeshjen dhe fare nuk e lejoi ekipin e Prishtinës të luante lojën e vet. Ndeshja në fund përfundoi me rezultatin 70-83.

Në super-fitoren e Bashkimit sonte rolin kyq e pati amerikanja e rikthyer tek Bashkimi, Khadija Brown që realizoi double, double maestral prej 32 pikësh e 17 kërcime, por u dallua edhe nigeriania e ardhur sivjet, Aisha Belarabe me double, double poashtu 18 pikë e 12 kërcime.

Përderisa tek Prishtina u dalluan, Danisha Shaw me 31 pikë e Irma Konjusha me 13 sosh.

Bashkimi e nisë me fitore stinorin e ri në elitën e basketbollit kosovar femëror. Përderisa, Prishtina duhet të punojë shumë me ekipin, pasiqë sivjet do të paraqitet edhe në garën ndërkombëtare, EuroCup Women.