BASHKIMI ARRIN FITOREN E 15-TË STINORIT NË SUPERLIGË

Prishtinë(AsistiOnline) – Bashkimi i Prizrenit e ka arritur një fitore tejet të vlefshme në luftë për Play Off në elitën e basketbollit kosovar.

Prizrenasit kanë arritur fitore në udhëtim tek Feronikeli me shifrat finale të ndeshjes, 66-82.

Realisht ndeshja nuk kishte shumë histori me Bashkimin që fitoi periodat kryesore të ndeshjes(12-24, 18-20, 16-18, 20-20), me një Feronikel që fare nuk ishte në element dhe iu desh që të pajtohet me humbje në fund.

Kreatorë kryesorë të fitores së Bashkimit sonte ishin, Corey Ross me 21 pikë, Terik Bridgeman me 20 pikë e Stevie Clark me 15 sosh.

Tek Nikli s’mjaftuan për fitore, Dayon Griffin me 31 pikë e Ergin Grosha me 10 sosh.

Ishte kjo fitorja e 15 sezonale e Bashkimit sivjet, karshi 9 disfatave. Ndërsa, Feronikeli pësoi disfatën e 19, karshi 5 fitoreve.