Prishtinë(AsistiOnline) – Basketbollisti amerikan i KB Pejës, Nigel Johnson po beson se skuadra e tij do të dalë triumfuese ndaj Rahovecit sot.
Në një prononcim për AsistiOnline.com, Johnson është shprehur tejet optimist se Peja do të dalë me rezultat pozitiv nga kjo sfidë.
“Ne jemi përgatitur maksimalisht për sfidën ndaj Rahovecit. E dimë që s’do të jetë e lehtë, por kemi punuar shumë dhe besoj që do të fitojmë në fund”, tha Johnson para ndeshjes.
Ndeshja e sotme, Peja-Rahoveci, nisë në ora 17:00 dhe transmetohet direkt në Art Sport 1, si dhe Klan Kosova.
