MESAZH EDHE NGA SUPERLIGA E FEMRAVE – FLET IRMA KONJUSHA(VIDEO)

Prishtinë(AsistiOnline) – Njëra ndër basketbollistet më të mira, viteve të fundit në basketbollin kosovar femëror, Irma Konjusha, është futur në karantinë shtëpiake, pas shpalljes së gjendjes emergjente nga pandemia COVID-19(Coronavirus) dhe pezullimit të aktiviteteve sportive në vendin tonë.

AsistiOnline.com që si zakonisht është në kontakte të vazhdueshme me basketbollistët/et kosovarë/e, po bisedon me ta për mënyrën se si po e kalojnë kohën në karantinë, foli edhe me Irma Konjushën e cila tregoi për mënyrën se si po e trajton veten në këto ditë dhe uroi popullin e Kosovës që të jenë mirë me shëndet dhe të ruhen sa më shumë, duke qëndruar në shtëpi.

”Përshëndetje, Unë jam Irma Konjusha, basketbolliste e klubit të femrave ”Mabetex Prishtina”. Sa i përket situatës, ndjej keqardhje për të gjithë, është e vështirë të qëndrohet në shtëpi. Sidomos për ne që kemi qenë aktiv, duke u stërvitur dy herë në ditë, por shëndeti është mbi të gjitha. Uroj të mos zgjat kjo situatë shumë dhe ti kthehemi normalitetit. PANIK JO – KUJDES PO. I përshëndes të gjithë fansat e ASISTIT nga unë Irma”.

Irma Konjusha për AsistiOnline.com