DERI SA BOTA PAUZON, ASISTI NË ARTMOTION VAZHDON

ASIST 415

Deri sa Planeti ëstë në pauz dhe sporti po pushon, ASISTI në Artmotion vazhdon

ASISTI 415 vjen me dy mysafirë, Drejtorin e DSK-së Ibër Alaj dhe kryetarin e FBK-së, Arben Fetahun, që  flasin për situatën aktuale dhe përballjen e institucioneve sportive më Coronavirusin.

Sot po bëhen 10 ditë prej se janë ndërprerë aktivitetet e basketbollit në vendin tonë si pasojë e masave parandaluese për përhapjen e sëmundjes së shkaktuar nga virusi i ri dhe i panjohur deri tash për njerëzimin, COVID19 apo i njohur edhe si Corona-Virusi.

Pas shpalljes së Pandemisë nga Organizata Botërore e Shëndetësisë dhe suspendimit të garave nga NBA, pastaj Euroleague-a, ABA Liga dhe në përgjithësi FIBA por edhe po thuaja të gjitha garave dhe aktiviteteve sportive në mbarë Planetinë , të Premtën me 13 Mars pas konfirmimit të 2 rasteve të para të sëmundjes në Kosovë, hapat e njëjtë i ka ndërmarr edhe Qeveria e Kosovës, gjegjësisht Ministria e Kulturës, Rinisë e Sportit e Republikës së Kosovës në bashkëpunim me Komitetin Olimpik të Kosovës dhe gjitha Federatat sportive, duke përfshirë edhe Federatën e Basketbollit të Kosovës.

Është kjo një situatë emergjente shëndetësore e cila ka kërkuar veprim dhe masa rigoroze e në disa vende edhe ekstreme të vetizolimit dhe ndalesës së kontakteve dhe lëvizjeve të lira sikurse jemi mësuar. Stili i jetës në mbarë Botën ka ndryshuar si pasojë e rrezikut të madh i cili kanoset njerëzimit nga kjo sëmundje e rrezikshme dhe tejet infektive dhe ky është një normalitet i ri të cilit të gjithë, pa dallim, po  duhet t’i përshtatemi.

• Si po ndikon dhe si do të ndikoj kjo situatë e re në sport, në përgjithësi dhe në basketboll në veçanti?
• Cilat janë efektet aktuale dhe pasojat e mundshme?
• Cilat janë planet dhe a mund të parashikohen marr parasysh se kjo sëmundje është e pa-parashikueshme dhe e panjohur për shkencën ?

Për këto dhe pyetjet tjera, sonte në ASIST diskutojmë me dy udhëheqësit e institucioneve sportive.

Po ashtu, ASISTI 415 sjell analizën komplete të ciklit të parë vjeshtor të Superilgës së Meshukjve dhe Femrave, 5-shet e MVP-it e Javës dhe TOP aksionet nga xhiro 1-9.

EKSKLUZIVE NË ASIST 415: deklaratat e basketbollistëve dhe basketbollisteve të Kosovës por edhe yjeve në Spanjën e prekur keq, Edon Maxhunit dhe Kenan Spahisë.

Si po e kalojnë kohën në shtëpi? Kush po mbanë Kivi dietë? …

     Këto dhe shumë tjera sonte nga ora 21:00  në ART SPORT 1 dhe adresën e vërtet të basketbollit në vendin tonë, Artmotion!

Deri sa Planeti ëstë në pauz dhe sporti po pushon, ASISTI në Artmotion vazhdon