QYTETI I MADH KOSOVAR, QE MBETI PA KLUB BASKETBOLLI TASH E 6 VITE!

Prishtinë(AsistiOnline) – Basketbolli i Kosovës në vitet e fundit ka pasur një ndryshim të madh në fizionominë elitare, për faktin se ka mbetur pa disa ekipe të vjetra në gjirin e vet dhe është freskuar me disa ekipe të formuara rishtazi.

Kur flitet për ekipet e vjetra në Basketbollin e Kosovës, padyshim që aty bën pjesë edhe Kastrioti i Ferizajit që viteve të fundit po i mungon basketbollit tonë, për faktin se aktualisht e ka pushuar aktivitetin dhe nuk bën gara në asnjë kategori, përpos ekipit në Superligën e Femrave, por që nga struktura organizative nuk ka të bëjë me meshkujt, shkruan AsistiOnline.com

POR përse klubi i vjetër ferizajas nuk është aktiv?

Sikurse shumica e klubeve kosovare edhe Kastrioti, është ballafaqur me telashe të mëdha financiare dhe kjo ka bërë që drejtuesit e klubit të mendojnë opsionin më të keq të mundshëm, për shuarje dhe klubi tash e 6 vite nuk funksionon fare, pra e ka shuajtur aktivitetin. Dhe me të vërtetë e dhimbshme, sepse një Komunë si Ferizaji ndër më të mëdhajat në vend të mbetet pa klub basketbolli, ky me të të vërtetë është një mëkat i madh.

Shpresojmë që njerëzit e basketbollit në Ferizaj ti bashkojnë forcat shumë shpejtë dhe në këtë qytet ta aktivizojnë klubin e basketbollit ‘’Kastrioti” ashtu sikurse i ka hije.