ALO MË I MIRË I STINORIT NË KOSOVË [ VIDEO+LAJM]

Prishtinë(AsistiOnline) – Alo më e mirë sivjet pa asnjë dyshim ishte Henrik Shirko i Pejës i cili mahniti me lojërat e tij duke arritur të shpallej edhe MVP i Kupës së Kosovës, trofe ky të cilin e fitoi Peja dhe që doli të jetë trofeu i vetëm në sezonin e ndërprerë të basketbollit kosovar.
Shirko zhvilloi të gjitha 24 duelet në Superligë dhe shënoi mesatare prej 17.9 pikëve, 9.1 kërcimeve , 3.6 asistimeve dhe rrëmbeu 1.5 topa për ndeshje duke fituar vlerën mesatare të indeksit prej +21,1.
Shirko që sipas vlerësimit të ASISTIT, sivjet ishte lojtari më kualitativ i huaj në elitën e basketbollit kosovar, 5 herë zuri vend në 5-shen e Javës dhe 2 herë u shpall MVP.
Konkurrencë të fortë për ta fituar epitetin e alo-së më të mirë të stinorit, Shirko pati në bashkëlojtarin e tij, Drilon Hajrizin, mirëpo ishin dallimet e vogla në mestaren e pikëve, kërcimeve, asistimeve dhe indeks, ato që i siguruan vendin në pesëshen më të mirë të sezonit.

Në pozitën e alos më të mirë të stinorit që lamë pas, Henrik Sirko pati konkurent tejet seriozë edhe bashkëlojtarin e tij tek Peja, Drilon Hajrizin dhe Samir Zekiqin e Yllit e Brandon Scottin e Feronikelit. Por në saje shumicës së statistikave më të mira se ta( gjuajtje për tre, kërcime, asistime, topa të vjedhur, por edhe indeks mesatar), pa i harruar edhe 6 herët në 5-she të javës dhe 2 herë MVP nga përzgjedhjet e ASISTIT e bëjnë kroatin e Pejës, si alon më të mirë sivjet në elitën e basketbollin tonë.

KRAHASIM:

ALO E SEZONIT 2019/20: HENRIK SHIRKO ( PEJA)

17.9 P; 9.1 KRC; 3.6 AST; 1.5 TVJ; +21.1 (6 HERË NË 5-SHE DHE 2HERË MVP I JAVËS)

_____________________________________________________________________________________________________________________________________________

SAMIR ZEKIQI – YLLI

19.2 P, 5.3 KRC, 2.8 AST, 0.8 TVJ, +18.3 (3 HERË NË 5-SHE TË JAVËS)

_____________________________________________________________________________________________________________________________________________

DRILON HAJRIZI – PEJA

16.8 P, 8.7 KRC, 3.2 AST, 1.3 TVJ, +20.1 (4 HERË NË 5-SHE DHE 1HERË MVP I JAVËS)

_____________________________________________________________________________________________________________________________________________

BRANDON SCOTT – FERONIKELI

13.3 P, 6.5 KRC, 2.7 AST, 1.1 TVJ, +13.3

_____________________________________________________________________________________________________________________________________________

[VIDEO]: