NBA TË ENJTËN VOTON FORMATIN E VAZHDIMIT TË SEZONIT

Prishtinë(AsistiOnline.com) – NBA po planifikon të enjten një votim, kur pronarët e ekipeve pritet të miratojnë propozimin e komisionerit Adam Silver në një format për të rifilluar sezonin në 31 korrik në Orlando të Floridas, siç raportohet nga ESPN.

Ky afat kohor do t’i jepte NBA-së edhe dy muaj për të përfunduar organizimin e rifillimit të sezonit dhe kthimin e lojtarëve për t’u praktikuar stërvitjet individuale dhe ekipore. 

Ekipet që do të marrin pjesë në kthimin e ligës për përfundimin e sezonit të rregullt dhe play-off do të duhet të udhëtojnë në Orlando dhe karantinë para se të fillojnë përsëri aktivitetetin që u ndërpre për shkak të virusit që mbërtheu mbarë botën, COVID-19. /AsistiOnline.com