YLLI I CLEVELANDIT AFËR REAL MADRIDIT

Prishtinë(AsistiOnline) – Gjiganti spanjoll dhe evropian, Reali i Madridit thuhet se ka arritur marrëveshje me qendrën e Cleveland Cavaliers nga NBA, Ante Ziziç.

Pasi u eliminua në fazën e fundit të ligës spanjolle, po raportohet se Reali po mendon mënyra për ndarje me qendrën Jordan Mickey nga i cili është i pakënaqur. Largimi i Mickey nga ekipi do të linte një pozicion të lirë tek Reali dhe thuhet që Ziziç me gjasa do ta plotësojë këtë boshllëk.

Zizic, 23 vjeç, pritet të bëhet një lojtar i lirë pasi Cavaliers e kanë refuzuar opsionin 2020-2021 mbi kontratën që lojtari nënshkroi në vitin 2017 me ta. Ndërsa edhe Maccabi Tel Aviv ishte raportuar se ishte gati të bënte një ofertë në drejtim të Ziziç.

Në sezonin e tij të fundit në Euroligë më 2017, Ziziç kishte mesatarisht 9.0 pikë dhe 6.7 kërcime në 21:51 minuta për mbi 20 ndeshje me Darussafakan. Ai pati disa shfaqje të paraqitura në play off-in 2017 kundër Real Madridit me 12.0 pikë, 6.3 kërcime. /AsistiOnline.com