CALATHES ZYRTARISHT LARGOHET NGA PANATHINAIKOSI

Prishtinë(AsistiOnline) – Pllejmejkeri amerikan, Nick Calathes edhe zyrtarisht është larguar nga skuadra greke, Panathinaikos.

Calathes është larguar zyrtarisht nga Panathinaikos pas tetë sezoneve, njoftoi klubi nga Athina sot. Calathes është afër Barcelonës, ekip me të cilin thuhet se ai ka rënë dakord për një marrëveshje tre vjeçare dhe njoftimi zyrtar pritet së shpejti.

31-vjeçari Calathes është lëshuar nga Panathinaikos pavarësisht kontratës së tyre e cila ishte e vlefshme deri në verën e ardhshme. Gjatë sezonit 2019-20, fundori amerikano-grek drejtoi athinasit me një mesatare prej 13.3 pikë, 9.1 asistime dhe 4.9 kërcime në 28 ndeshje në Euroligë, para anulimit të stinorit për shkak të shpërthimit të koronavirusit. /AsistiOnline.com