LAJMI I FUNDIT: WESTBROOK POZITIV NË TESTIMIN PËR COVID-19

Prishtinë(AsistiOnline) – Superylli i Houston Rockets, Russell Westbrook është testuar pozitiv për koronavirus, gjersa njoftoi personalisht vet në mediat sociale se nuk do të mund të udhëtojë me ekipin në Orlando derisa të shërohet.

“Jam testuar pozitive për COVID-19 para se ekipi im të nisej për në Orlando. Tani ndihem mirë, i karantinuar dhe mezi pres të ribashkohem te shokët e mi kur të pastrohem. Faleminderit për urimet e mira dhe mbështetjen e vazhdueshme. Ju lutemi merrni këtë seriozisht. Jeto i sigurt”, tha Westbrook në Twitter.

Russ kishte mesatare prej, 27.5 pikë, 8 kërcime dhe 7 asistime për ndeshje për Rockets këtë sezon. Houston aktualisht është i gjashti në Konferencën Perëndimore me 40 fitore dhe 24 humbje dhe tashmë është kualifikuar në play off.

Rockets do të rifillojë sezonin me ndeshjen kundër Dallas Mavericks më 1 gusht. Para kësaj ata do të luajnë tre ndeshje, kundër Raptors (24 korrik), Grizzlies (26 korrik) dhe Celtics (28 korrik). /AsistiOnline.com