YLLI TRANSFERON BASKETBOLLISTIN NGA SHBA, ME PREJARDHJE SHQIPTARE

Prishtinë(AsistiOnline) – Skuadra therandase, Golden Eagle Ylli e ka kompletuar transferimin e parë të merkatos së verës gjatë ditës së sotme.

Therandasit kanë njoftuar se kanë nënshkruajtur me basketbollistin nga SHBA-të, por që ka prejardhje shqiptare, Blend Avdili.

”Ka disa sezone qe Golden Eagle Ylli po u jep mundësinë lojtareve shqiptar te talentuar qe luajnë jashtë Kosovës te shfaqin talentin e tyre ne kampionatin tone, e njëjtë kemi vepruar edhe ketë vit duke i dhëne mundësinë Blendi Avdilit me te cilin po e hapim prezantimin e rosrterit për sezonin 2020/2021”, thuhet në njoftimin zyrtar të Golden Eagle Yllit.

Blendi është i gjate 201cm dhe luan ne pozitën 2 dhe 3, ai vjen nga liga amerikane ”NCAA” saktësisht nga ekipi Colorado Springs. Gjatë vitit të kaluar ka startuar në 28 nga 28 ndeshjet për ekipin e tij dhe ka një mesatare prej 12.7 pikë, 4.8 kërcime dhe 2.4 asistime për ndeshje.

Për faqen e klubit therandas ai u deklarua kështu: ”Edhe pse situata me virus do të ndikoj shumë, mirëpo shpresoj që ti ndihmoj klubit të fitojmë kampionatin për qytetin dhe për “Xhebrailat” që do të ishte titulli historik.

Ditë më parë, Golden Eagle Ylli njoftoi edhe për vazhdimin e bashkëpunimit me kryetrajnerin, Dragan Radovic. /AsistiOnline.com