BAYERNI KOMPLETON TRANSFERIN E PARË TË VERËS

Prishtinë(AsistiOnline) – Skuadra gjermane e Bayernit që garon në Euroligë, ka kompletuar transferimin e parë të verës.

Bavarezët kanë transferuar në radhët e veta, fundorin amerikanë me përvojë edhe nga NBA, Wade Baldwin IV.

Baldwin bëri debutimin e tij në Euroligë, vitin e kaluar me Olimipakosin, ku në 24 paraqitje kishte mesatare prej 5.5 pikë, 1.8 kërcime dhe 1.8 asistime për ndeshje.

Baldwin para se të vinte në Evropë, bëri 63 paraqitje edhe në NBA me skuadrat si Memphis Grizzlies dhe Portland Trail Blazers. Ai gjithashtu luajti në G League me Iowa Energy, Raptors 905 dhe Texas Legends.

Bayerni para se të zyrtarizonte Baldwinin, emëroi Andrea Trinchieri si trajner të ri për sezonin 2020-21. /AsistiOnline.com