NEW YORK KNICKS EMËRON TRAJNERIN E RI

Prishtinë(AsistiOnline) – Skuadra amerikane nga NBA, New York Knicks ka zyrtarizuar emrin e trajnerit të ri, që do i prijë ekipit në edicionin e ardhshëm.

Bëhet fjalë për trajnerin amerikan, 62 vjeçarin Tom Thibodeau që së fundi ka drejtuar ekipin tjetër nga NBA, Minnesota Timberwolves për tre sezone rresht(2016/19). Ndërsa më herët ishe si ndihmës-trajner pikërisht tek New York Knicks për plotë 8 sezone rresht.

“Tom Thibodeau është një fitues i dëshmuar që merr maksimumin nga lojtarët dhe skuadrat që ai ka trajnerizuar. Ai do të sjellë udhëheqje, përgjegjësi dhe një mentalitet të palodhur për organizatën tonë. Jemi të ngazëllyer për ta rikthyer atë në New York dhe shpresojmë që të bashkëpunojmë me të dhe stafin e tij drejt një të ardhme të suksesshme“, tha Leon Rose, presidenti i New York Knicks.

Ndërsa i kënaqur me nënshkrimin e marrëveshjes, është deklaruar edhe vetë trajneri, Tom.

“Unë jam mirënjohës për mundësinë që të kthehem në këtë ekskluzivitet historik si kryesues dhe të punoj së bashku me një zyrë të përparuar të talentuar për të cilën kam shumë besim dhe respekt për të. Unë e di se si është Nju Jorku kur Knicks janë të suksesshëm dhe nuk ka asgjë të krahasueshme. Mezi pres që të jetë një pjesë e asaj që ne po ndërtojmë këtu dhe nuk mund të presim për të arritur në punë”. tha Thibodeau.

Thibodeau ka qenë fillimisht ndihmës-trajner i shumë skuadrave nga NBA si: Minnesota, San Antonio, Philadelphia 76ers, New York Knicks, Houston Rockets, ndërsa si kryetrajner për herë të parë udhëhoqi, Chicago Bulls për 5 stinore rresht(2010/15), për të kaluar më pas për tre stinorë(2016/19) tek Minnesota. /AsistiOnline.com