LEON NEZIRI TRANSFEROHET NË EKIPIN NGA SUPERLIGA ANGLEZE
Prishtinë(AsistiOnline) – Basketbollisti i talentuar me prejardhje nga Kosova, Leon Neziri është bërë me skuadër të re në Britaninë e Madhe.
Neziri që prej dy vitesh luan rregullisht edhe me Përfaqësuesen e Kosovës, është transferuar në kolegjin, ”Plymouth Marjon Uni-Business Sport Management”, ndërsa paralelisht do të luaj edhe me ekipin e seniorëve të ”Plymouth Raiders” që bën gara në Superligën angleze.
20 vjeçari i talentuar nga Kosova, që kur ka filluar të merret me basketboll ka suksese të panumërta me gjeneratat e reja në Britani të Madhe dhe që nga sivjet do të luaj edhe në garat seniore dhe madje për bashkëlojtar tek ekipi anglez, do ta ketë ish-basketbollistin e Sigal Prishtinës para pak viteve, Andrew Lawrence.
Vlen të ceket se në vitin 2018, në debutimin e tij me Përfaqësuesen e Kosovës, Neziri mori pjesë në Evropianin U-18 dhe së bashku me lojtarët e tjerë i sollën Kosovës mu në Prishtinë, kupën e FIBA European Championship – Division C.
Sigurisht që Neziri në të ardhmen, do të jetë një forcë shtesë edhe për Përfaqësuesen e Kosovë A dhe në të ardhmen e afërt mund ti shkojë ftesa për grumbullim.
/AsistiOnline.com/
Komentet janë të mbyllura.