BARCELONA BLINDON YLLIN E EUROLIGËS NIKOLLA MIROTIÇIN

Prishtinë(AsistiOnline) – Skuadra katalunase, Barcelona e ka blinduar në ekip super-yllin e saj, Nikolla Mirotiç.

Barcelona njoftoi sot se ka zgjatur kontratën me Nikolla Mirotiçin deri më 30 qershor të 2025-tës.

Mirotiç mbërriti në Barcelonë verën e kaluar dhe menjëherë u emërua MVP i Ligës spanjolle në stinorin e kalar, falë 19.5 pikëve dhe 5.7 kërcimeve për ndeshje.

“Unë jam i lumtur, shumë mirënjohës për klubin për këtë mundësi dhe i lumtur për të zgjatur kontratën time. Tingëllon shkëlqyeshëm 2025, shumë vite veshur me këtë bluzë dhe shpresojmë me shumë sukses. Që nga ardhja ime, klubi ka treguar besim. Të gjithë e dinë që nuk ishte e lehtë të kthehesha nga Shtetet e Bashkuara, por klubi më ka dhënë gjithçka, me dëshirën për të më sjellë këtu, dhe tifozët më kanë dhënë dashuri, energji të mirë dhe shumë herë kam thënë se jam i befasuar se si më pritën mua”, tha Mirotiç pas ri-nënshkrimit me Barçën.

/AsistiOnline.com/