BASHKIMI KONFIRMON QËNDRIMIN E MALËS NË SKUADËR

Prishtinë(AsistiOnline) – Skuadra e Bashkimit të Prizrenit ka vazhduar bashkëpunimin edhe për një stinor me një nga lojtarët kyçë të ekipit në edicionin e kaluar.

Prizrenasit kanë konfirmuar se kanë vazhduar bashkëpunimin me plejmejkerin mitrovicas, Musab Mala edhe për një sezon.

Organizatori i skuadrës, Musab Mala, do të vazhdojë të jetë nën direktivat e trajnerit Illmen Bajra. Mala ka nënshkruar kontratë të re me drejtuesit e klubit, për të qëndruar edhe për një vit te Bashkimi. 23 vjeçari ka pasur një stinor të pafat në vitin e kaluar duke vuajtur nga lëndimet e shpeshta, por megjithatë për ato pak paraqitje sa pati, arriti t’i dëshmojë vlerat e veta duke i fituar zemrat e Arpagjik’ve”, thuhet në njoftimin e lëshuar nga Bashkimi.

Mala me skuadrën nga Prizreni në stinorin e kaluar, kishte mesatare prej, 10.6 pikëve, 3.7 asisteve dhe 3.0 kërcimeve.

/AsistiOnline.com/