YLLI RIKTHEN NË SKUADËR QENDRËN E FUQISHME AMERIKANE

Prishtinë(AsistiOnline) – Skuadra e Yllit të Therandës e ka kompletuar skuadrën me lojtarë të huaj për edicionin e ri.

Therandasit kanë rikthyer në skuadër, qendrën e njohur amerikane, Jameel McKay i cili ishte pjesë e tyre në stinorin e kaluar, por që pa përfunduar kampionati u largua për tu transferuar në elitën e Singaporit dhe kishte nënshkruajtur me ekipin ”Singapore Slingers” me të cilët e zhvilloi vetëm një ndeshje, pasiqë më pas kampionati u ndërpre shkaku i pandemisë.

Me Yllin, qendra 206cm kishte double, double mesatare prej, 12.3 pikëve, 10.0 kërcimeve e 1.4 asisteve për ndeshje.

Me këtë transfer, therandasit e kompletojnë rosterin e skuadrës për nisjen e sezonit.

/AsistiOnline.com/