KUSH JANË TRE LOJTARËT E HUAJ QË TRANSFEROI TREPÇA?

Prishtinë(AsistiOnline) – Edhe skuadra e Trepçës nga Mitrovica e ka mbyllur merkaton verore me dy transfere të huaja.

”Xehtarët” kanë shtuar në skuadër, alo qendrën amerikane Tobi Ewuosho i gjatë 1.96 cm dhe që së fundmi ishte pjesë e skuadrës nga liga e kolegjeve amerikane NCAA, ”Alabama University” me të cilët kishte mesatare prej, 12.7 pikëve, 6.0 kërcimeve dhe 1.4 asisteve.

Ndërsa transferi i dytë i huaj, është plejmejkeri amerikan, Tyresse Williford i gjatë 1.78cm dhe që poashtu vije nga NCAA, konkretisht nga skuadra, ”Southern Illinois University” me të cilët u paraqit në dy stinorët e fundit dhe kishte mesatare prej, 9.8 pikëve, 4.3 asiste dhe 3.8 kërcime për ndeshje.

Ditë më parë, Trepça kishte transferuar edhe qendrën amerikane, Devin Haygood poashtu nga NCAA, nga skuadra, ”North Carolina A&T State University” me të cilët kishte mesatare prej, 7.7 pikëve, 4.2 kërcimeve dhe 0.6 asisteve.

Ekipi mitrovicas edhe sivjet do të drejtohet nga trajneri kroat, Neven Pllantak, ndërsa me ardhjen e kryesisë së re të skuadrës, të gjithë lojtarët vendorë nga stinori i kaluar, kanë ri-nënshkruajtur kontrata përsëri.

/AsistiOnline.com/