LEBRON IA KUSHTON TITULLIN KOBET: SHPRESOJ TË JESH KRENAR

Prishtinë(AsistiOnline) – LeBron James ia kushtoi titullin e 17-të Los Angeles Lakers, ikonës së klubit, Kobe Bryant.

Basketbollistët e Los Angeles Lakers mposhtën Miami Heat, pas 6 ndeshjeve të luajtura dhe u bënë kampionë të NBA-së për herë të 17-të, duke u barazuar me ekipin e Bostonit me numrin e titujve të fituar.

Ky trofe do të thotë shumë për Lakers, veçanërisht pasi erdhi në vitin kur Kobe Bryant, basketbollisti legjendar i Los Angeles Lakers, ndërroi jetë.

LeBron James ishte MVP i finales këtë herë, dhe ai i kushtoi titullin e 17-të Lakers Kobet të ndjerë, me një mesazh në Instagram:

“Shpresoj të jesh krenar. Vëllai im, të dua dhe më mungon“, shkroi LeBron James në Instagram.

Kobe Bryant e kaloi gjithë karrierën e tij në Lakers dhe fitoi pesë tituj kampioni me ta.

/AsistiOnline.com/