SOT GJYSMËFINALJA E PARË, RAHOVECI-SIGAL PRISHTINA

Sfidat çerekfinale në Reload Superkupë dhuruan shumë emocione, derisa tani është koha për ndeshjet gjysmëfinale, që zhvillohen sot në Suharekë.

Në takimin e parë do të ballafaqohen Rahoveci dhe Sigal Prishtina. ‘Vreshtarët’ në çerekfinale kishin eleminuar Trepçën, kurse bardhekaltrit mundën Vëllaznimin.

Këto dy skuadra edicionin e kaluar ishin ballafaquar në finale të Superkupës, ku triumfuan prishtinasit, që në këtë edicion po paraqiten me lojtarë vendorë.

Kjo ndeshje luhet sot nga ora 17:00 dhe transmetohet direkt në Art Sport 1.

Të kujtojmë se sivjet, ndeshjet në basketbollin e Kosovës po zhvillohen pa shikues dhe në bazë të Udhëzuesit për Rikthimin në fushat e basketbollit.