RIKTHIM I ÇMENDUR, BARÇA E SHËNDRRON HUMBJEN NË FITORE

Prishtinë(AsistiOnline) – Dueli i skuadrave spanjolle në Euroligë i ka takuar Barcelonës që e ka mposhtur me një rikthim të çmendur, Baskonian.

Katalunasit kanë triumfuar me vetëm një pikë dallim, ndaj vendasve të Baskonias me rezultat, 71-72. Duke e bërë një rikthim të çmendur të ndeshjes sonte, kjo për faktin se tre minuta para përfundimit të ndeshjes, ishin në minus prej 10 pikëve, por që angazhimi i madh dhe seria prej 0-11, në sekondat e fundit të ndeshjes, i’a solli fitoren e madhe, ekipit katalunas që sivjet drejtohet nga tekniku lituanez, Sarunas Jasikevicius.

Vlen të ceket se Pierria Henry i Baskonias, dy sekonda pa përfunduar ndeshja e kishte rastin ideal që t’ia fitonte ndeshjen ekipit të tij, por nuk realizoi nga pozita ideale për dy pikë në dy hapësh dhe kësisoj fitorja i takoi Barçës.

Më meritorët për fitoren e Barçës sonte ishin, i zakonshmi Nikolla Mirotiç me 18 pikë, si dhe Brandon Davies me 12 pikë e Alex Abrines me 10 sosh.

Tek Baskonia s’mjaftuan për fitore, Zoran Dragiç me 15 pikë e as Achille Polonara me 14 sosh.

/AsistiOnline.com/