JAVA MBYLLET ME KLASIKEN E BASKETBOLLIT KOSOVAR

Prishtinë(AsistiOnline) – Xhiro e dytë e Superligës së Kosovës, mbyllet sonte me një ndeshje shumë interesante.

Takimi i fundit i kësaj xhiro është ndërmjet Sigal Prishtinës dhe Trepçës. Bardhekaltrit fituan Superkupën një javë më parë, por në xhiron e parë pësuan nga Peja, derisa Trepça që shpëtoi përmes Play-Out, pësoi humbje minimale nga Bashkimi.

Të dyja skuadrat kanë hyrë me disa ndryshime në roster, për ti synuar sukseset dhe presin fitore nga kjo ndeshje, për faktin se xhiro e parë e Superligës, për to ishte ‘ters’.

Takimi do të zhvillohet pa shikues dhe me praninë e vetëm 50 personave në palestër, duke përfshirë dy skuadrat, zyrtarët e ndeshjes dhe përfaqësuesit e FBK-së, si pasojë e masave anti-covid-19.

Ndeshja do të transmetohet në platformën ArtMotion, kurse rezultatin LIVE pas çdo çereku, por edhe raportin final të ndeshjes, mund ta gjeni në portalin ekskluziv-basketbollistik, AsistiOnline.com

Superliga – Java 2

E diel

19:00 Sigal Prishtina – Trepça.

/AsistiOnline.com/