MBYLLET XHIRO E DYTË E SUPERLIGËS, DY SKUADRA PA HUMBJE

Prishtinë(AsistiOnline) – Gjatë vikendit që po e lëmë pas, është zhvilluar edhe xhiro e dytë e stinorit të ri në Superligën e Kosovës në Basketboll.

Rezultate tejet interesante janë arritur në këtë xhiro të dytë të Superligës, ku tre fitore kanë arritur skuadrat vendase e vetëm një skuadër ka fituar si mysafire.

Në dy ndeshjet e zhvilluara të shtunën, Ponte Prizreni mposhti në udhëtim Vëllaznimin duke e arritur fitoren e parë të stinorit, karshi një disfate. Ndërsa Vëllaznimi mbeti pa fitore, duke e pësuar edhe disfatën e dytë pas inkuadrimit në Superligë.

Po të shtunën, fitore në derbin ndaj Rahovecit, arriti skuadra e Pejës që mposhti thellë ”vreshtarët” me rezultat, 84-64. Duke vazhduar me bilanc perfekt 2-2, ndërsa Rahoveci pësoi humbjen e parë sezonale dhe tash ka një fitore e një humbje.

Ndërsa të dielën, Ylli i Therandës triumfoi ndaj Bashkimit të Prizrenit me shifrat, 91-77, duke e vazhduar ecurinë pozitive pa humbje, por që i’a shkaktoi Bashkimit humbjen e parë në stinorin e ri.

Dhe në ndeshjen e fundit të xhiros, Sigal Prishtina e arriti fitoren e parë sezonale, duke mposhtur Trepçën në kryeqytet më lehtë se që është pritur, 94-76. Me ‘xehtarët’ që pësuan edhe disfatën e dytë me radhë në stinorin e ri.

Pas xhiros së dytë të Superligës, renditja tabelare duket kështu

1.Peja

2.Ylli

3.Rahoveci

4. Ponte Prizreni

5.Prishtina

6.Bashkimi

7.Trepça

8.Vëllaznimi

/AsistiOnline.com/