A DO PARAQITEN NDAJ PRISHTINËS, TRANSFERET E REJA TË YLLIT?

Prishtinë(AsistiOnline) – Sigal Prishtina dhe Ylli, sonte e zhvillojnë ndeshjen e shtyer të xhiros së katërt në Superligën e Kosovës.

Skuadra e Golden Eagle Yllit, është përforcuar me dy lojtarë të ri në roster, Griffin Ramme dhe Demetris Morant, por që sonte asnjëri nga të lartëcekurit, nuk do të jenë në dispozicion të trajnerit, Dragan Radoviç.

Arsyeja e mungesave të Ramme dhe Morant, është se në lajmërimin e FBK-së, thuhet qartë se të gjitha ndeshjet e shtyera duhet të zhvillohen vetëm me rosterin i cili ka qenë aktual në ditën e terminit të caktuar më herët. Lojtarët të cilët janë regjistruar, pas ditës së shtyrjes së terminit ose do të regjistrohen, nuk kanë të drejtë të paraqiten në këto ndeshje.

Sfida ndërmjet Prishtinës dhe Yllit, luhet sonte nga ora 16:30 dhe rezultatin LIVE pas çdo çereku, por edhe raportin final të ndeshjes, mund ta gjeni në portalin ekskluziv-basketbollistik, AsistiOnline.com

/AsistiOnline.com/