AS PRISHTINA VAZHDON PA HUMBJE NË LIGËN E PARË

Prishtinë(AsistiOnline) – As Prishtina e ka vazhduar ecurinë pa humbje në Ligën e parë.

Ekipi kryeqytetas ka arritur të mposhtë sonte, mysafirët e Megasportit nga Prizreni me rezultat, 87-75.

Alban Latifaj edhe në këtë duel, ishte afër triple-double-it të radhës, duke kontribuar me 22 pikë, 9 kërcime, 8 asiste e 4 vjedhje topash, i ndihmuar edhe nga Dardan Sejdiu me 23 pikë e 12 kërcime dhe Don Polloshka me 13 pikë.

Tek Megasporti u dalluan, Ardit Osmani me 20 pikë e Ensar Muriqi me 17 sosh.

Skuadra e As Prishtinës pas ndeshjes së sontme e ka blinduar pozitën e 1-rë në tabelë me 16 pikë, ku nga 8 ndeshje, ka po aq fitore. E Megasporti tash gjendet në pozitën e 7-të me 10 pikë, 6 disfata e 2 fitore.

/AsistiOnline.com/