DERBI I XHIROS SOT NË ”KARAGAÇI”
Prishtinë(AsistiOnline) – Derbi i xhiros së dhjetë në Prince Caffe Superligën e Kosovës në Basketboll, luhet sot në ”Karagaçi” të Pejës.
Bëhet fjalë për super-sfidën ndërmjet Pejës dhe Ponte Prizrenit, ekipe të cilat po synojnë majen e tabelës. Deri më tani, pejanët kanë shtatë fitore dhe dy humbje, kurse prizrenasit gjashtë fitore dhe tri humbje, andaj pritet të jetë një përballje shumë interesante në ‘Karagaçi’.
Takimi do të zhvillohet pa shikues dhe me praninë e vetëm 50 personave në palestër, duke përfshirë dy skuadrat, zyrtarët e ndeshjes dhe përfaqësuesit e FBK-së, si pasojë e masave anti-covid-19.
Ndeshja do të nisë nga ora 15:00 dhe transmetohet në platformën ArtMotion, kurse rezultatin LIVE pas çdo çereku, por edhe raportin final të ndeshjes, mund ti gjeni në portalin ekskluziv-basketbollistik, AsistiOnline.com
Prince Caffe Superliga – Xhiroja 10
E enjte
15:00 Peja – Ponte Prizreni.
/AsistiOnline.com/
Komentet janë të mbyllura.