TREPÇA NDËRRON EDHE NJË TË HUAJ, PARALAJMËROHEN NDRYSHIME TË TJERA

nga Asisti Online Përditësimi i fundit 24/12/2020

Prishtinë(AsistiOnline) – Skuadra e Trepçës vazhdon të mos bëhet ‘rehat’ me lojtarë të huaj në këtë edicion të garave në elitën e basketbollit kosovar.

Klubi mitrovicas që po kalon nëpër formë të dobët edhe sivjet, përkundër ndryshimeve në kryesinë e klubit, vazhdon të ndërrojë lojtarët e huaj të cilët nuk po impresionojnë me lojërat e tyre.

Së fundmi ‘xehtarët’ kanë njoftuar se kanë shkëputur bashkëpunimin me fundorin amerikan, Tramaine Isabell dhe kanë sjellur në skuadër, fundorin tjetër, Dillon Smith.

Smith në stinorin 2019/20 është paraqitur për, ”Tusculum College” të cilët bëjnë gara në NCAA2 Conference.

24 vjeçari nga Lexingtoni i SHBA-ve me ekipin e tij, në stinorin e fundit kishte mesatare prej, 11.3 pikëve, 2.3 kërcimeve, 1.4 asisteve dhe 1.3 topave të vjedhur në 28.3 minuta për 30 ndeshje të luajtura.

Klubi i Trepçës që sot poashtu ka shkarkuar nga detyra edhe trajnerin e skuadrës, Neven Pllantakun, njoftuar se në ditët në vazhdim, priten ndryshime edhe në lojtarët e tjerë të huaj, konkretisht 2 apo 3 lojtarë të rinjë të huaj, pritet ti bashkohen klubit ‘xehtar’ dhe lojtarët aktualë(Ewuosho e Haygood), pritet të largohen.

/AsistiOnline.com/