TREPÇA TRANSFERON SUPER-FUNDORIN ME PËRVOJË TË MADHE EVROPIANE

Prishtinë(AsistiOnline) – Skuadra e Trepçës po vazhdon të përforcohet me lojtarë të rinjë, për stinorin pranveror në elitën e basketbollit kosovar, duke paralajmëruar seriozisht skuadrat e tjera.

Së fundmi ekipi mitrovicas ka transferuar në radhët e veta, fundorin amerikan, Erving Walker me pervoje edhe ne ligen me te forte te basketbollit ne Evrope, Euroliga dhe i cili vije te Trepça, pas një përvoje të madhe në skuadra të ndryshme nga Evropa të cilat ju paraqesim në vijim: Stelmet Zielona Gora(Poloni – Eurolige), Dijon(Francë), Tüyap Büyükçekmece(FIBA Europe Cup), Strasbourg(Champions League), Demir İnşaat Büyükçekmece(Turqi), Team Fancy TBT(USA), Pınar Karşıyaka(FIBA Europe Cup).

Walker së fundmi është paraqitur me ekipin, ”Al Zamalek” në elitën e Egjiptit dhe ka qenë ndër lojtarët kryesorë të ekipit.

Pa dyshim që Trepça me këtë transferim, por edhe me disa afrime të tjera të cilat i ka paralajmëruar në ditët e ardhshme, do të jetë arrë e fortë për çdo skuadër në stinorin pranveror.

/AsistiOnline.com/