YLLI TRANSFERON SUPER-FUNDORIN AMERIKAN

Prishtinë(AsistiOnline) – Skuadra e Golden Eagle Yllit vazhdon të përforcohet me lojtarë të rinjë, për ti arritur objektivat që ka sivjet.

Therandasit kanë njoftuar, se kanë shtuar në radhët e veta fundorin amerikan, Elyjah Clark.

Clark vije tek Ylli nga skuadra turke, ”Ankara Anadolu Basket” në Ligën e parë turke tek të cilët ishte lojtari më i dalluar i ekipit me  mesatare impresionuese prej, 20.3 pikëve, 6.4 kërcimeve, 4.2 asisteve dhe 2.6 topave të vjedhur për ndeshje.

22 vjeçari i gjatë 1.90cm, para ardhjes së tij në Evropë, ishte pjesë e kolegjit amerikan, ”Missouri Southern” dhe edhe aty ishte lojtari më i mirë i skuadrës.

Vlen të ceket se këtë edicion tek skuadra turke, Clark e kishte për bashkëlojtar, yllin e Bashkimit në stinorin e kaluar, alo-qendrën, Terik Bridgeman.

/AsistiOnline.com/