EKSKLUZIVE: BRANIMIR PAVIÇ TRAJNERI I RI I VËLLAZNIMIT

Prishtinë(AsistiOnline) – Skuadra e Vëllaznimit e ka gjetur trajnerin e ri i cili do ti prijë ekipit, pas shkarkimit të maqedonasit, Ljupco Malinkov.

AsistiOnline.com ka mësuar ekskluzivisht, se kroati Branimir Paviç do ta marrë drejtimin e ekipit të Vëllaznimit nga Gjakova.

Paviç është emër i njohur për basketbollin e Kosovës, pasi në stinorin 2015-16 ishte trajner i skuadrës së Pejës dhe njihet si një trajner tejet punëtor.

42 vjeçari nga Kroacia së fundi ka drejtuar ekipin gjeorgjian, ”Kavkasia”.

AsistiOnline.com poashtu ka mësuar, se Paviç sot do të arrijë në qytetin e Gjakovës, por ende nuk dihet nëse do ta udhëheq skuadrën në ndeshjen për Kupë, përballë Ponte Prizrenit.

/AsistiOnline.com/