JAVA FINALE KU PËRCAKTOHET FATI I PËRFAQËSUESES SË KOSOVËS

Prishtinë(AsistiOnline) – Gjatë kësaj jave në të cilën kemi hyrë sot, në Prishtinë do të zhvillohet xhiro e tretë apo e fundit e Grupit B, për parakualifikimet evropiane për Kupën e Botës 2023.

Në ditët e fundit të kësaj jave të ftohët dhe me borë në vendin tonë, Përfaqësuesja e Kosovë A, do ti zhvilllojë dy ndeshjet e fundit parakualifikuese për Botërorin 2023 dhe me fitore eventuale nga të dyja ndeshjet do të kualifikohej tutje.

Kosova e kishte nisur këtë kampanjë parakualifikuese me dy fitore, përballë Islandës dhe Luksemburgut, por në nëntor kishte pësuar dy humbje, nga Sllovakia dhe Islanda.

Pasiqë komplet ndeshjet e kësaj xhiroje me vendim të FIBA-s do të zhvillohen në Kosovë, kombëtaret pjesëmarrëse kanë filluar të vendosen në Prishtinë dhe deri më 20 shkurt do të përcaktohet se kush do të kualifikohet në rrethin e ardhshëm.

Në këto dy ndeshje, Kosova fillimisht të enjten do të luaj përballë Luksemburgut nga ora 19:00. Ndërsa të shtunën e po kësaj jave, përballet me Sllovakinë poashtu nga ora 19:00.

Të kujtojmë se mbulueshmërinë e të gjitha këtyre ndeshjeve, do ta bëjë si zakonisht, portali ekskluziv-basketbollistik AsistiOnline.com, andaj qëndroni me ne.

/AsistiOnline.com/