MUNGESË E MADHE TE KOMBËTARJA SHQIPTARE, RAST POZITIV ME COVID-19

Prishtinë(AsistiOnline) – Kombëtarja Shqiptare e Basketbollit, sot ndeshet me Qipron në kuadër të parakualifikimeve për Kampionatin Botëror 2023.

Në këtë duel që nisë nga ora 18:00, Shqipëria do të jetë pa njërin prej basketbollistëve kryesorë, Gerti Shima i cili ka dalur pozitiv në testin për COVID-19.

Lajmin se ka dalur pozitiv me virusin e dëmshëm që ka përfshirë botën, Shima e ka publikuar në llogarinë e tij zyrtare në Facebook.

”Ne ndeshjen e sotme, per raundin e trete te para eliminatoreve te boterorit 2023, une nuk do mund te luaj kunder ekipit te Qipros, sikurse nuk do mund te luaj as kunder ekipit te Bjellorusise ne date 20 shkurt. Nga testimet e perseritura per virusin Covid , vetem une nga i gjithe stafi i perfaqesues Shqiptare, kam rezultuar pozitiv!

Ne keto kushte, do te ndjek i karantinuar ekipin tone nga TV duke shpresuar dhe uruar se Shqiperia sot do te perserise te njejtin sukses kundrejt Qipros: Fitore te njejte si ne ndeshjen e pare te zhvilluar ne Shqiperi”, thuhet në postimin e ish-lojtarit të Pejës, Bashkimit dhe Prishtinës.

Gjasat e Shqipërisë për kualifikim tutje në këto parakualifikime janë të vogla, pasi që djelmoshat kuqezinjë nga duelet e para kanë vetëm 1 fitore e 3 humbje. Fitorja e vetme në grup për Shqipërinë ka qenë ndaj Qipros në Durrës.

/AsistiOnline.com/