EKSKLUZIVE: IRMA KONJUSHA TRANSFEROHET TE SHKUPI
Prishtinë(AsistiOnline) – Basketbollistja prishtinase, Irma Konjusha është bërë me skuadër të re.
Konjusha që deri tani luajti për KBF Prishtinën, karrierën e saj basketbollistike do ta vazhdojë tek skuadra shqiptare nga Maqedonia e Veriut, KB Shkupi.
Lajmin për kalimin e Konjushës te Shkupi, për AsistiOnline.com e ka konfirmuar ekskluzivisht vetë trajneri shkupjan, Enver Miftari.
”Po dje kemi kompletuar transferin e Irmës tek ekipi ynë. Do të jetë ndihmesë e madhe për vajzat e reja që i ka Shkupi. Eksperienca e Irma Konjushës do të ngrisë vetëbesimin tek ekipi ynë”, deklaroi Miftari.
Konjusha është njëra prej basketbollisteve më të mira në vitet e fundit në Kosovë dhe së fundmi u paraqit me Prishtinën, ku sivjet në 4 ndeshje luajti me mesatare prej, 9.3 pikëve, 4.3 asisteve dhe 2.8 kërcimeve për ndeshje.
Përpos Prishtinës, Konjusha në Kosovë ka luajtur edhe te Penza e Pejës./AsistiOnline.com/
Komentet janë të mbyllura.