PUBLIKOHET KALENDARI PËR PJESËN E DYTË TË STINORIT NË NBA, KJO DO TË JETË NDESHJA E PARË PAS ALL STARIT

Prishtinë(AsistiOnline) – NBA ka publikuar mëngjesin e sotëm edhe pjesën e dytë të orarit sezonal për ndeshjet që do të luhen pas eventit të njohur si “All Star Game”.

Orari këtë sezon u publikua i ndarë në dy pjesë për shkak të problemeve me Covid-19 në USA dhe protokolleve që ndjeku liga më e fortë e basketbollit në botë.

Takimi mes Washington Wizards dhe Memphis Grizzlies që do të luhet me datën 10 Mars në palestrën e këtyre të fundit do të jetë hapësi për pjesën e dytë sezonale.

Lakers janë një nga skuadrat të cilët do të kenë kalendarin më të lehtë në rikthim të sezonit të rregullt, ata përballen me Pacers, Warriors, Timberwolves, Hornets dhe Hawks në pesë duelet e para.

/AsistiOnline.com/