KRYENDESHJA E XHIROS LUHET SONTE NË SUHAREKË

Prishtinë(AsistiOnline) – Dita e dytë e xhiros së 21-të në elitën e basketbollit kosovar, hapet sot me një super-ndeshje në program.

Bëhet fjalë për duelin ku do të përballen rivalët, Golden Eagle Ylli dhe Rahoveci. Takimet mes këtyre dy skuadrave kanë qenë shumë interesante në vitet e fundit dhe kështu pritet edhe në përballjen e së dielës. Therandasit kanë 13 fitore dhe gjashtë humbje, ndërsa Vreshtatët 12 fitore dhe tetë humbje.

Takimi do të zhvillohet pa shikues dhe me praninë e vetëm 50 personave në palestër, duke përfshirë dy skuadrat dhe zyrtarët e ndeshjes, si pasojë e masave anti-covid-19.

Ndeshja do të nisë nga ora 17:00 dhe transmetohet direkt në Platformën më ekskluzive në vend, Art Motion, kurse rezultatin LIVE pas çdo çereku, por edhe raportin final të ndeshjes, mund ti gjeni në portalin ekskluziv-basketbollistik, AsistiOnline.com

Superliga – Java 21

E dielë

17:00 Ylli – Rahoveci

/AsistiOnline.com/