KAPITENI I TREPÇËS, FLET PARA NDESHJES SË SOTME NDAJ PRISHTINËS

Prishtinë(AsistiOnline) – Rivalët e përjetëshëm të basketbollit të Kosovës, Trepça dhe Prishtina ndeshen sonte në Palestrën ”Minatori” në Mitrovicë.

Para kësaj përballje që si zakonisht pritet të jetë shumë interesante, kapiteni i Trepçës, Valdrin Haxhiu është prononcuar për AsistiOnline.com, duke e cilësuar si shumë interesante, por njëkohësisht edhe të vështirë përballjen me Prishtinën.

”Si çdo herë ndeshjet ndërmjet Trepçës dhe Prishtinës kanë rivalitet dhe emocion të veçantë, kur ja shtojmë kësaj edhe pozitat momentale të dy ekipeve, besoj që do ofrojmë lojë të fortë dhe të mirë të dyja ekipet. Ne si skuadër jemi në një ecuri të mirë të rezultateve dhe jemi përgatitur maksimalisht për këtë ndeshje, prandaj do hyjmë në lojë me plotë energji, duke luftuar deri në fund e ku besoj që do të shpaguhet me fitore në ”Minatori”, nënvizoi kapiteni i mitrovicasve.

Përballja mes Trepçës dhe Prishtinës, luhet sot nga ora 17:00 dhe transmetohet direkt në Platformën më ekskluzive në vend, Art Motion, kurse rezultatin LIVE pas çdo çereku, por edhe raportin final të ndeshjes, mund ti gjeni në portalin ekskluziv-basketbollistik, AsistiOnline.com

/AsistiOnline.com/