DUELI I FUNDIT I XHIROS NË ”MINATORI”

Prishtinë(AsistiOnline) – Dueli i fundit i xhiros së 25-të në Superligës së Kosovës, zhvillohet sonte në Mitrovicë me një sfidë tejet interesante.

Bëhet fjalë për duelin mes Trepçës dhe Vëllaznimit. Mitrovicasit hyn në këtë duel pas fitores ndaj Yllit, kurse kuqezinjtë në duelin e fundit pësuan nga Bashkimi. ‘Xehetarët’ kanë grumbulluar 34 pikë dhe kanë treguar formë të lartë, sidomos në stinorin pranveror, ndërsa skuadra nga Gjakova renditet në vendin e fundit me 31.

Takimi do të zhvillohet pa shikues dhe me praninë e vetëm 50 personave në palestër, duke përfshirë dy skuadrat dhe zyrtarët e ndeshjes, si pasojë e masave anti-covid-19.

Ndeshja do të nisë nga ora 19:00 dhe transmetohet direkt në Platformën më ekskluzive në vend, Art Motion, kurse rezultatin LIVE pas çdo çereku, por edhe raportin final të ndeshjes, mund ti gjeni në portalin ekskluziv-basketbollistik, AsistiOnline.com

Superliga – Java 25

E dielë

19:00 Trepça – Vëllaznimi.

/AsistiOnline.com/