PRETENDENTËT PËR KREUN E TABELËS, LUAJNË SOT NË PRIZREN

Prishtinë(AsistiOnline) – Derbi i xhiros së 25-të në Superligën e Kosovës, zhvillohet sot në Prizren.

Lideri Ponte Prizreni do të sfidohet nga Rahoveci. Prizrenasit kanë grumbulluar 41 pikë, kurse Vreshtarët kanë dy pikë më pak, andaj pritet një duel shumë interesant dhe me të drejtë është vlerësuar si derbi i xhiros.

Takimi do të zhvillohet pa shikues dhe me praninë e vetëm 50 personave në palestër, duke përfshirë dy skuadrat dhe zyrtarët e ndeshjes, si pasojë e masave anti-covid-19.

Ndeshja do të nisë nga ora 17:00 dhe transmetohet direkt në Platformën më ekskluzive në vend, Art Motion si dhe Klan Kosova, kurse rezultatin LIVE pas çdo çereku, por edhe raportin final të ndeshjes, mund ti gjeni në portalin ekskluziv-basketbollistik, AsistiOnline.com

Superliga – Java 25

E dielë

17:00 Ponte Prizreni – Rahoveci.

/AsistiOnline.com/