LAKERS ME HUMBJEN E TRETË RRESHT, MPOSHTEN NGA NEW ORLEANS!

Prishtinë(AsistiOnline) – Los Angeles Lakers nuk po arrin të këndellet pas mungesave të LeBron James dhe Anthony Davis, duke u mposhtur me rezultat 128-111 nga Pelikanët e New Orleans.

Se kampionët në fuqi do kishin probleme, kjo dihej, por New Orleans I nxorën edhe më shumë në pah pikat e dobëta të kampionëve në fuqi duke mbajtur një epërsi mesatarisht prej 20 pikësh shumicën e kohës.

Brandon Ingram ishte fantastik me 36 pikët e shënuara duke kontribuar me 4 asistime e 3 kërcime. Ndërsa përkrahu I qëndroi koshashënuesi më I mirë I Pelikanëve këtë sezon, Zion Williamson me 25 pikë, 9 kërcime e 5 asistime.

Nga ana tjetër, në mungesën e Jamesit dhe Davisit më I dalluari ishte Kyle Kuzma që kompletoi double double me 16 pikë e 10 kërcime ku kontriboi edhe më 7 asistime. Përkrahu I qëndroi Harrell duke shënuar 18 pikë.

Me këtë fitore, New Orleans shpreson edhe më shumë për një pozicionim në 10 vendet e para ndërsa Lakers shijojnë humbjen e tretë rresht.

/AsistiOnline.com/