Prishtinë(AsistiOnline) – Sonte zhvillohet finalja e madhe e Ligës Unike mes Pejës dhe Yllit, dy skuadra nga Kosova.
Kjo ndeshje do të ketë rëndësi të veçantë edhe për trajnerin e Yllit aktualisht, Adis Beqiragiqin i cili vitin e kaluar e fitoi një trofe me skuadrën që sot e ka kundërshtare.
Për ta bërë edhe më interesante tërë këtë histori, jo më larg se vitin e kaluar, boshnjaku e kishte fituar Kupën e Kosovës me Pejën dhe atë pikërisht ndaj skuadrës që sot e drejton, Yllit.
Në finalen e Kupës së Kosovës e zhvilluar më 15 shkurt 2020, Peja e kishte fituar këtë trofe nën-drejtimin e Adis Beciragicit, duke mposhtur Yllin në finale 79-64. Të shohim se cili nga akterët do të gëzohet sonte, ishtrajneri apo ish-skuadra.
/AsistiOnline.com/
