SQARIM: SISTEMI I ”PLAY OFF”-IT NË SUPERLIGË PËR EDICIONIN 2021

Prishtinë(AsistiOnline) – Sot nisë ”play offi” i Superligës së Kosovës te meshkujt me dy ndeshje tejet interesante.

Por para fillimit të kësaj faze e cila është më e rëndësishmja në basketbollin e Kosovës, cili është sistemi me të cilin do të luajnë ekipet? FBK-ja ka dalur me një postim ku e sqaron në detaje fazën e ”play off”-it.

”Në raundin e parë që fillon sot, ekipet do të ndeshen, vendet 3-6 dhe 4-5 deri në dy fitore, kurse ekipet e renditura në pozitat 1 dhe 2 në raundin e parë do të pauzojnë dhe në gjysmëfinale do të takohen me ekipet nga renditja 3/4/5/6. Ndeshjet e play off-it do të zhvillohen të dielën, të martën dhe të premten në vazhdimësi pa ndërprerje nëse nuk vjen deri te zhvillimi i ndeshjes se fundit Konform PG .

Skuadra e cila renditet si e shtata në tabelë në fund të edicionit të rregullt do të luajë në play out me finalistin e Ligës se Parë  në  dy ndeshje  dhe  anëtar i ri i FIVE STAR Superligës së Kosovës do të shpallet ekipi, i cili nga dy ndeshjet ka rezultatin më të mirë në koshdallim.

Gjysmëfinalet e play-offit zhvillohen sipas formulës 1vs 4-5, 2 vs 3-6. Plasmanin në finale e siguron ekipi që i pari arrin 3 fitore. Gjysmëfinalet zhvillohen sipas formatit 2-2-1 dhe epërsinë e terrenit vendës e ka ekipi më lartë i plasuar në edicionin e rregullt.

Në finale të play-offit takohen ekipet fituese të gjysmëfinaleve. Kampion i FIVE STAR Superligës shpallet ekipi që i pari arrin tri fitore. Finalja e play-offit zhvillohet sipas formatit vajtje-ardhje. Përparësinë e terrenit vendës e ka ekipi që ka qenë më mirë i ranguar në sezonin e rregullt dhe luan si vendas në ndeshjet 1 dhe 3 dhe ndeshjen eventuale 5. Ndeshjet e play off-it do të zhvillohen të dielën, të martën dhe të premten në vazhdimësi pa ndërprerje nëse nuk vjen deri te zhvillimi i ndeshjes së fundit Konform PG”.

Ndeshjet e sontme, Peja – Prishtina dhe Ylli – Bashkimi, transmetohen direkt në Artmotion. E para nga ora 17:00. ndërsa e dyta nga ora 20:00.

/AsistiOnline.com/