DRITA TRIUMFON NË FINALEN E PARË, AFËR RIKTHIMIT NË SUPERLIGË!

Prishtinë(AsistiOnline) – RC Cola Drita e ka fituar përballjen e parë finale në Ligën e parë ndaj Istogut.

Gjilanasit kanë arritur që të mposhtin në shtëpi ekipin e Istogut me rezultat 92-74.

Sa i përket rrjedhës së ndeshjes, Drita e kishte përgjatë gjithë takimit rezultatin në favorin e vet, madje arriti që ti fitojë të gjitha periodat e ndeshjes , ndërsa lojtarët e Istogut u pa se nuk ishin në element dhe kjo ju shkoi për shtati atyre të Dritës që fituan ndeshjen.

Individët më të dalluar në fitoren e Dritës sot ishin: Arian Mehmeti me double-double (18pk, 13krc), Xzavier Barmore me 16 pikë, Bardh Jakupi e Qëndrim Demi me nga 15, si dhe Rinor Ahmeti me 1 sosh.

Te Istogu s’mjaftuan për fitore: Fisnik Juniku me 25 pikë, Ardit Pepaj me 18 pikë dhe Mirza Skrelja me 10 sosh.

Ndeshja e dytë finale zhvillohet pas dy ditëve, ku me fitore eventuale të Dritës, kjo e fundit shpallet kampione dhe inkuadrohet në Superligë, ndërsa nëse fiton Istogu, zhvillohet edhe ndeshja e tretë.

/AsistiOnline.com/