SOT MUND TË PËRCAKTOHET KAMPIONI I KOSOVËS NË SUPERLIGËN E FEMRAVE

Prishtinë(AsistiOnline) – Nata e sontme mund të jetë me fat për skuadrën e Bashkimit në konkurencën e femrave, kjo ngase me fitore eventuale ndaj Penzës shpallen kampione të Kosovës.

Në duelin final të ”play off”-it të Superligës së Femrave, Penza dhe Bashkimi takohen sonte në ndeshjen e katërt dhe që mund të jetë përcaktuese për fitimin e titullit.

Deri më tani, vashat pejane dhe ato prizrenase janë takuar tri herë dhe në seri prijnë vashat prizrenase 2-1 ku me fitore eventuale sonte në Pejë e sigurojnë titullin e me fitore eventuale të Penzës, kampioni përcaktohet në ndeshjen e pestë në Prizren.

Ndeshja e sontme që luhet në Pejë, nisë nga ora 19:00 dhe transmetohet direkt në ArtMotion.

/AsistiOnline.com/